दरवर्षी पाऊस येतो
ओढे नाले भरून
नदीला ही पुर येतो....
शासनासारखाच-
भोंगळ कारभार
पाऊसाचाही असतो.
लहर येईल तसा येतो
नि कहर करुन जातो
शेती वाडी वाहून जाते
घरात ही पुर येतो.....
दरवर्षी पाऊस येतो,
वादळवारा सोसाट्याचा
सारं काही फ़ुंकुन जातो
झाड होऊन मुक्यानेच
पहाण्याशिवाय वाव नसतो
बुडता बुडता स्वतःलाही
सावरण्याचा ठाव नसतो
पुरामधल्या पाण्यातुनच
सरकाराची बोट येते
नि घरावरुन तरंगत
उघड्यावरचा प्रावास होतो.
मग कधी मंत्री येतो,
आकाश्याच्या विमानातुन
काचेसारख्या डोळ्यांनी,
सारे काही पाहुन जातो...
दरवर्षी पाऊस येतो,
वाहुन जातात गुरंढोरं
नि कोसळलेली घरं
मदतीची वाट पाहत
डोळ्यामंधी पुर येतो.
------ S.V.Godase
No comments:
Post a Comment
Thanks